Online Bichar
बिहिबार, मंसिर ०४, २०८३ | Thursday, November 19, 2026

गौरादह, १५ मंसिर । कमल गाउँपालिकामा स्व. मेजर टंक राई स्मृति ५ औं भेट्रान फुटबल प्रतियोगिता आईतवार(आज) बाट शुरु भएको छ । दमक लखनपुर भेट्रान क्लबको आयोजना तथा कमल गाउँपालिका तथा कमल खेलकुद विकास समितिको सह आयोजनामा कमल–५ स्थित गुहेश्वरी आधारभूत विद्यालय को खेल मैदानमा प्रतियोगिता शुरु भएको हो । प्रतियोगिताको कमलगाउँपालिका अध्यक्ष मेनुका काफ्ले ले उद्घाटन गरेकी थिइन् । सो अवसरमा उनले खेल क्षेत्रको विकासले देशको नाम उच्च राख्न मद्दत पुग्ने बताइन् ।

भेट्रान क्लबमा ८ टिमको सहभागीता रहेको र १८ गते फाईनल खेल हुने आयोजकले जनाएको छ। भेट्रान क्लबको बिजेता टिमले नगद १ लाख ५ हजार र उपविजेताले ५५ हजार सहित ट्रफी मेडल र प्रमाणपत्र हात पार्ने आयोजकले जनाएको छ। प्रथम र द्वितीयसँगै विभिन्न विधामा उत्कृष्ट हुने खेलाडीहरुले पनि पुरस्कार पाउने छन् ।

आज भएको पहिलो खेलमा काँकडभिटा भेट्रान क्लब र चन्द्रगढी भेट्रान क्लब बीच भएको खेलमा काँकडभिटाले चन्द्रगढीलाई ४-० गोल अन्तरले पराजित गरेको छ । जितकालागि काँकडभिट्टा भेट्रान क्लब को तर्फबाट दिलु कार्कीले ३ गोल गदै ह्यट्रिक गरेका थिए। काँकडभिट्टा भेट्रान कलब बाट नै अर्को एक गोल नरेन्द्र प्रसाद खरेलले गरेका थिए । आईतवार भएको पहिलो खेलमा काँकडभिट्टा भेट्रान क्लब कै दिलु कार्की म्यान अफ दि म्याच घोषित भएका थिए ।

यस्तैगरि दोस्रो खेल धरान भेट्रान क्लब र युनाइटेड विराटनगर भेट्रान क्लब बीच भएको खेलमा युनाइटेड विराटनगर भेट्रान क्लब ले धरान भेट्रान क्लब लाई १-० गोलले पराजित गरेको छ । युनाइटेड भेट्रान क्लब को तर्फबाट महेन्द्र विश्श्वासले १ गोल गरेका थिए ।

भोली हुने पहिलो खेलमा आयोजक टिम र एभरेष्ट भेट्रान कलब तथा दोस्रो खेल बिर्तामोड भेट्रान क्लब र हाम्रो इटहरी भेट्रान क्लब बीच प्रतिस्पर्धा हुने आयोजकका सचिव एल बि विष्टले जानकारी दिएका छन।

तपाईको प्रतिक्रिया

This site uses Akismet to reduce spam. Learn how your comment data is processed.

0 Comments