काठमाडौं, २६ माघ २०८२ । राष्ट्रियसभाबाट पर्यटन विधेयक पारित भएको छ । सोमबार बसेको सभाको बैठकबाट उक्त विधेयक सर्वसम्मत पारित भएको हो ।
बैठकमा कानुन न्याय तथा संसदीय मामिलामन्त्री अनिल सिन्हाले विधेयक पारित गरियोस् भन्ने प्रस्ताव प्रस्तुत गरेका थिए ।
यसअघि विधेयक विधायन व्यवस्थापन समितिमा छलफल भएको थियो । त्यसपछि सभामा लगिएको थियो । यो विधेयक तत्कालीन संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले ५ वैशाख २०८२ मा दर्ता गराएका थिए । न्युज एजेन्सी नेपाल
