काठमाडौँ, २४ मंसिर २०७९ । समानुपातिक सांसद छनोटका लागि नेकपा एमालेको सचिवालय बैठक बसिरहेको छ । पार्टी कार्यालय च्यासलस्थित शनिबार दिउँसो सचिवालय बैठक बसेको हो ।
मंसिर ४ गते भएको निर्वाचनको नतिजा अनुसार संघीय संसद्मा नेकपा एमालेले प्रत्यक्षतर्फ ४४ सिट र समानुपातिक तर्फ ३४ सिट जितेको छ ।
शनिबारको बैठकले समावेशीसहित ३४ जना समानुपातिक सांसद चयन गर्ने अपेक्षा गरिएको छ । यसवाहेक एमालेले हालै सम्पन्न निर्वाचनको समीक्षा पनि गर्ने बताइएको छ ।
निर्वाचन आयोगले राजनीतिक दलहरूलाई समानुपातिक सांसदको सूची पठाउन बुधबार नै पत्र पठाइसकेको छ ।
