झापा, ५ मंसिर २०७८ । विश्वभर कोरोना भाइरस संक्रमणबाट ज्यान गुमाउनेको संख्या पचास लाख नाघेको छ । आज बिहानसम्म विश्वभर कोरोनाबाट ज्यान गुमाउनेको संख्या ५१ लाख ६३ हजार ७ सय २१ पुगेको छ ।
हालसम्म विश्वभर कोरोना संक्रमितको संख्या २५ करोड ७४ लाख ३३ हजार एक सय ६७ पुगेको छ । पछिल्लो २४ घण्टामा मात्रै विश्वभर ४८ सयभन्दा बढीले कोरोनाको कारण ज्यान गुमाएका छन् ।
पछिल्लो २४ घण्टामा सबैभन्दा धेरै मृत्यु रुसमा भएको छ । यसबीचमा त्यहाँ १२ सय ५४ जनाले ज्यान गुमाएका छन् । त्यसैगरी अमेरिकामा ४ सय ४, युक्रेनमा ६ सय ६४, पोल्याण्डमा ३ सय ८२, फिलिपिन्समा २ सय ५ जनाले ज्यान गुमाएका छन् ।
एसियाली र दक्षिण एसियाली मुलुकमा संक्रमण मत्थर हुँदै गएको अवस्थामा युरोपमा हिउँद लागेसँगै महामारी थप फैलने चेतावनी दिइएको छ ।
