Online Bichar
शुक्रबार, बैशाख ०७, २०८१ | Friday, April 19, 2024

काठमाडौं, २२ साउन २०७७ । पछिल्लो पाँच महिनामा वैदेशिक रोजगारीको सिलसिलामा कुवेत पुगेका २६ नेपाली श्रमिकको मृत्यु भएको छ ।

मार्चदेखि जुलाई अन्तिमसम्म कोरोना संक्रमणका कारण ती नेपालीहरुको मृत्यु भएको हो ।

कुवेतमा कोरोना संक्रमणबाट १ महिलासहित ७ जना पुरुष रहेको तथा अन्य १८ जनाको विभिन्न कारणले मृत्यु भएको कुवेतस्थित नेपाली दूतावासले जनाएको छ ।

दूतावासका अनुसार कोरोनाको कारण मृत्यु भएका ८ जनाकै परिवारसँग समन्वय गरी कुवेतमै अन्तिम संस्कार गरिएको छ ।

हालसम्म कुवेतबाट विभिन्न उडानमार्फत १३ जनाको शव नेपाल ल्याइएको छ ।

कुवेतमा यसअघि ८४ जना नेपाली कोरोनाबाट संक्रमित भएको उल्लेख गरिएको थियो ।

त्यसपछिको अहिलेसम्म के कति नेपाली श्रमिकहरु कोरोनाबाट संक्रमित भए कति उपचारपछि निको भएर काममा फर्किए भन्ने नेपाली दूतावाससँग पनि तथ्यांक छैन ।

तपाईको प्रतिक्रिया