काठमाडौं, १८ वैशाख । साइबर अपराधको आरोपमा पत्रकार दीपक पाठक पक्राउ परेका छन् । नेपाल प्रहरीको केन्द्रीय साइबर ब्युरोले पाठकलाई बिहीबार बिहान पक्राउ गरेको हो । नेपाल प्रहरीका प्रवक्ता डीआईजी निरजबहादुर शाहीले पाठकविरुद्ध साइबर अपराधको उजुरी परेकाले नियन्त्रणमा लिएको बताए ।

पछिल्लो राजनैतिक घटनाक्रमसँग जोडेर पाठकलाई सामाजिक सञ्जालमा नेकपा अध्यक्ष पुष्पकमल दाहाललगायत व्यक्तिलाई लान्छना लगाउने गरी अभिव्यक्ति दिएको उजुरी परेको ब्युरोका एक अधिकारीले बताए । पाठकलाई आजै जिल्ला अदालत काठमाडौंबाट म्याद थपेर थप अनुसन्धान गरिने प्रवक्ता शाहीले बताए ।

पाठक रेडियो नेपाल सञ्चालक समितिका सदस्य पनि हुन् ।कान्तिपुर

तपाईको प्रतिक्रिया

Comments