काठमाडौं, २० साउन । त्रिभुवन अन्तर्राष्ट्रिय विमानस्थलमा ४ केजी अवैध सुनसहित चिनियाँ नागरिक पक्राउ परेका छन् । २३ वर्षीय चिनियाँ नागरिक ली निङ ज पक्राउ परेका हुन् ।
आइतबार राति हङकङबाट १०ः५० बजे काठमाडौं ओर्लिएका ली निङ जको साथमा रहेको झोलाबाट एक केजीका चारवटा सुनको बिस्कुट लुकाएर राखिएको अवस्थामा विमानस्थल भन्सारले पक्राउ गरेको हो ।
चिनियाँ नागरिक लीलाई थप अनुसन्धानका लागि प्रहरी हिरासतमा पठाइएको छ ।
