Online Bichar
बिहिबार, मंसिर ०४, २०८३ | Thursday, November 19, 2026

काठमाडौं, १७ भदौ २०७८। दशरथ रंगशालामा जारी नेपाल र भारतबीचको मैत्रीपूर्ण खेलमा गोल गर्दै अञ्जन विष्टले चिरपरिचित प्रतिद्वन्द्वीविरुद्ध नेपालको गोल खडेरी चिरेका छन् । खेलको ३६औं मिनेटमा अञ्जनले २०१५ यता भारतविरुद्ध पहिलो गोल गरेका हुन् ।नेपालबाट अञ्जनको यो व्यक्तिगत पाँचौ अन्तर्राष्ट्रिय गोल हो ।

यसअघि सन २०१५ मा विमल घर्ती मगरले भारतविरुद्ध अन्तिम गोल गरेका थिए । त्यो खेलमा नेपाल ४–१ गोलको नतिजामा पराजित भएको थियो । विमलले त्यो गोल गरेयता भारतले नेपालाई ९ गोल ठोकिसकेको थियो ।

तर, नेपालले भारतीय रक्षापंक्ति छिचोल्न सकेको थिएन । यद्यपि, भारतीय खेलाडीको तालमेलको कमी र गल्तीको फाइदा उठाउँदै राष्ट्रिय टोलीबाट उत्कृष्ट फर्ममा रहेका अञ्जनले नेपालको खडेरी तोडेका हुन् ।

अञ्जनकै गोलमा बनाएको अग्रतासहित नेपाल पहिलो हाफमा १–० ले अगाडि छ ।

 

तपाईको प्रतिक्रिया

This site uses Akismet to reduce spam. Learn how your comment data is processed.

0 Comments