काठमाडौँ, ८ भदौ २०८२ । वैदेशिक रोजगारीमा जानेलाई लघुवित्तमार्फत ऋण उपलब्ध गराइने व्यवस्था गरिएको छ । नेपाल राष्ट्र बैंकले लघुवित्त वित्तीय संस्थालाई जारी गरिएको एकीकृत निर्देशन, २०८१ मा संशोधन गर्दै विदेश जानेलाई धितो लिई तथा नलिई लघुवित्तबाट ऋण उपलब्ध गराउने व्यवस्था गरेको हो ।
यो व्यवस्थाअनुसार पुरुषको हकमा तीन लाख र महिलाको हकमा पाँच लाख रुपैयाँ लघुवित्तमार्फत ऋण उपलब्ध गराउने व्यवस्था गरिएको छ ।
यसका लागि आन्तरिक विनियमावली लघुवित्त संस्थाहरूले बनाउन सक्नेछन् ।
