झापा, ५ फागुन २०८१ । भद्रपुर झापा गोल्डकप गम्भीर राई स्मृति संस्करण अन्तर्राष्ट्रिय आमन्त्रण नकआउट फुटबल प्रतियोगिताको तयारी पूरा भएको छ।

यही फागुन ७ गतेदेखि १६ गतेसम्म मेची रंगशाला भद्रपुरमा आयोजना हुने प्रतियोगिताको तयारी पूरा भएको आयोजकले सोमबार पत्रकार सम्मेलन गरी जानकारी गराएको हो। मोफसलकै प्रतिष्ठित र लोकप्रिय प्रतियोगिता मानिएको यस गोल्डकपको मुख्य प्रायोजक सौर्य एयरलाइन्स तथा ओम साई पाथीभरा हस्पिटल भद्रपुर रहेका छन्। भद्रपुर नगरपालिका संरक्षक र झापा जिल्ला खेलकुद विकास समिति समन्वयकर्ताको रुपमा रहेका छन्।

आयोजकले पत्रकार सम्मेलनमै गोल्डकपको ट्रफी समेत अनावरण गरेको छ। गोल्डकपलाई उत्कृष्ट, भव्य र परिष्कृत बनाउन यस पटक शानदार खेल मैदान बनाइएको छ। करिब २० हजार दर्शक बस्न मिल्नेगरी स्थायी पक्की तथा बाँसको अस्थायी प्यारापिट निर्माण गरिएको छ। प्रतियोगिताको तयारीस्वरुप स्वागत गेटहरू निर्माणसँगै मेची रंगशाला बेहुली झैँ सिँगारिएको भद्रपुर झापा गोल्डकपका अध्यक्ष दीपेश ढकालले जानकारी दिए।

यो संस्करणको गोल्डकपमा घरेलु टोली भद्रपुर ब्लेजर्स सहित ‘ए’ डिभिजन क्लब चर्च ब्वाइज युनाइटेड, मछिन्द्र फुटबल क्लब, नेपाल पुलिस क्लब, न्यु रोड टिम, सशस्त्र प्रहरीको एपिएफ एफसी र झापा ११ एफसी सहभागी हुनेछन्।

ट्रफी अनावरण समेत गरेको छ। गोल्डकपलाई उत्कृष्ट, भव्य र परिष्कृत बनाउन यस पटक शानदार खेल मैदान बनाइएको छ। करिब २० हजार दर्शक बस्न मिल्नेगरी स्थायी पक्की तथा बाँसको अस्थायी प्यारापिट निर्माण गरिएको छ। प्रतियोगिताको तयारीस्वरुप स्वागत गेटहरू निर्माणसँगै मेची रंगशाला बेहुली झैँ सिँगारिएको भद्रपुर झापा गोल्डकपका अध्यक्ष दीपेश ढकालले जानकारी दिए।

गोल्डकपको उद्घाटन राष्ट्रिय सभा सदस्य तथा नेपाली कांग्रेसका नेता कृष्णप्रसाद सिटौलाले गर्ने भएका छन्। समापन कार्यक्रममा प्रधानमन्त्री तथा एमाले अध्यक्ष केपी शर्मा ओली आउने गोल्डकपका अध्यक्ष ढकालले बताए। त्यस्तै गोल्डकप अवधिभरमा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ९प्रचण्ड०, कोशी प्रदेशका मुख्यमन्त्री हिक्मत कार्की लगायत मन्त्रीहरू पनि आउने उनले बताए। यो संस्करणको गोल्डकपमा घरेलु टोली भद्रपुर ब्लेजर्स सहित ‘ए’ डिभिजन क्लब चर्च ब्वाइज युनाइटेड, मछिन्द्र फुटबल क्लब, नेपाल पुलिस क्लब, न्यु रोड टिम, सशस्त्र प्रहरीको एपिएफ एफसी र झापा ११ एफसी सहभागी हुनेछन्।

गोल्डकपमा तीन विदेशी टिम दार्जिलिङ पुलिस एफसी भारत, ट्रान्सपोर्ट युनाइटेड एफसी भुटान, काउर्न बाजार प्रगति संघ बंगलादेशसहित १० टिम सहभागी हुनेछन्। गोल्डकपको विजेताले नगद १३ लाख, आकर्षक ट्रफी र मेडल र उपविजेताले नगद ७ लाख, ट्रफी र मेडल प्राप्त गर्नेछ। गोल्डकप सम्पन्न गर्न एक करोड ७८ लाख रुपैयाँ खर्च लाग्ने अनुमान गरिएको छ।

प्रतियोगिताभरिको सर्वोत्कृष्ट खेलाडी प्लेयर अफ द टुर्नामेन्टले नगद एक लाख पाँच हजार रुपैयाँ पाउनेछ। त्यस्तै, उत्कृष्ट गोलकिपर, उच्च गोलकर्ता, उदीयमान खेलाडी र प्रशिक्षकले नगद २५ हजार पाउनेछ। प्रत्येक खेलको प्लेयर अफ द म्याचलाई नगद २१ हजार रुपैयाँ दिइनेछ। प्रतियोगितामा क्वार्टर फाइनलसम्मको टिकट दर २०० रुपैयाँ, सेमिफाइनलमा ३०० रुपैयाँ र फाइनलमा बाँसको प्यारापिटका लागि ३०० रुपैयाँ र पक्की प्यारापिटका लागि ५०० रुपैयाँ कायम गरिएको महासचिव जीवनकुमार श्रेष्ठले जानकारी दिए।

प्रत्येक दिन टिकट काट्ने भाग्यशाली दर्शकलाई आकर्षण पुरस्कारको पनि व्यवस्था मिलाइएको उनले बताए। प्रतियोगितामा प्रथम पुरस्कार ९ १३ लाख० नेपाल उद्योग वाणिज्य महासंघका पूर्वअध्यक्ष एवम् सार्क चेम्बर अफ कमर्सका उपाध्यक्ष आदरणीय चण्डीराज ढकाल, नेपाल प्रहरीका पूर्व अतिरिक्त प्रहरी महानिरीक्षक नवराज ढकाल, नेपाल उद्योग वाणिज्य महासंघ कोशी प्रदेशका निवर्तमान अध्यक्ष टिकाराज ढकाल एवम् नेपाल उद्योग वाणिज्य महासंघका उपाध्यक्ष हेमराज ढकालले आफ्ना श्रद्धेय पितामाता लक्ष्मण तथा रामरेखा ढकालको स्मृतिमा र दोस्रो पुरस्कार (७ लाख) अन्तर्राष्ट्रिय झापाली समाजले प्रदान गरेको उनको भनाइ छ।

प्रतियोगितामा भद्रपुर नगरपालिका संरक्षक र झापा जिल्ला खेलकुद विकास समिति समन्वयकर्ताको रुपमा रहेका छन्। पत्रकार सम्मेलनमा भद्रपुर नगरप्रमुख गणेश पोखरेल, गोल्डकपका मुख्य सल्लाहकार टिकाराज ढकाल लगायतले जिज्ञासाको जवाफ दिएका थिए।अन्नपूर्णपोष्टबाट

प्रकाशित मिति: सोमबार, फाल्गुण ०५, २०८१

प्रकाशित समय: २०:१५:११