दमक, २८ पौष । हाम्रो हितकारी कृषि सहकारी सस्थाले आज एक दिवसीय स्वस्थ्य सिबिर सम्पन्न गरेको छ । झापाको कमल गाउँपालिका ४ सितापुरीमा संचालित सो सहकारीले आयोजना गरेको स्वास्थ्य सिविरबाट ३ सय ५० स्थानीयले स्वस्थ्य लाभ लिएका थिए ।
लिटल ऐन्जल्स अङ्ग्रेजी बोर्डिङ इस्कूल सितापुरिको प्राङ्गणमा लाइफ लाइन अस्पताल दमक र दमक हस्पिटलको सहकार्यमा सिबिर सम्पन्न गरिएको सहकारीका सचिव नारायण काफ्लेले बताए ।
सिबिरमा लाइफलाइन अस्पताल दमकका बरिष्ठ फिजिसियन डाक्टर सुसान्त कटवल, डा अभि चन्द्र सुब्बा र बरिस्ठ डेन्टल सर्जन डाक्टर नबलिक झा साथै दमक हस्पिटलबाट अँखा रोग विशेषज्ञ डा . मोती बराल, अँखा रोग विशेषज्ञ डा हर्क राई लगाएतले प्राविधिक सहयोग पुर्याएका थिए ।
परीक्षणबाट ३० जनालाई लाई मोती बिन्दु भएको पाइएको र थप उपचारकालागि सिफारिस गरिएको थियो । स्वस्थ्य जाँचबाट सुगर, प्रेसरको समस्या भएकाहरु अत्यधिक पाइएको सचिव काफेलेले बताए ।
स्वस्थ्य सिबिरको सुभारम्भ सस्थाका अध्यक्ष चन्द्र बा राईले गरेका थिएभने सस्थापक सदस्य तथा ऋण समितिका अध्यक्ष लक्ष्मी प्रकाश खनालले स्वागत मन्तव्य राखेको कार्यक्रम संचाल सस्थाका सचिव नारायण काफ्लेले गरेका थिए।
