काठमाडौं, २८ साउन २०८१ । बारामा एकै परिवारका ३ बालबालिकाको मृत्यु भएको छ। फुड पोइजनका कारण सिम्रौनगढ नगरपालिका झवानी गाउँका तीन बालबालिकाको मृत्यु भएको प्रहरीले जनाएको छ । गएराति माछाभात खाएर सुतेका झवानी गाउँका नरेश रामचमारको तीन नाबालक छोराछोरीको मृत्यु भएको बाराका प्रहरी प्रवक्ता डीएसपी प्रकाश सापकोटाले जानकारी दिए।
मृत्यु हुनेमा ९ वर्षीया लालीमा राम, ७ वर्षीया पुष्पा राम तथा ५ वर्षीय कृष्णनन्दन रहेका छन् । उनीहरुले गाउँकै पोखरीबाट माछा ल्याएर खाएका थिए।
मृतक तीनैजना बालबालिकाको शव पोस्टमार्टमपछि आफन्तलाई बुझाइएको डीएसपी सापकोटाले जानकारी दिए। घटनाबारे अनुसन्धान भइरहेको उनले बताए।
