एजेन्सी, ५ असार २०८० । अमेरिकाको मिसिसिपी राज्यमा आएको आँधीमा परि एक जनाको मृत्यु भएको छ भने २० जना घाइते भएका छन् ।
अन्तर्राष्ट्रिय सञ्चार माध्यमका अनुसार गर्मीको लहर र प्रतिकुल मौसमकाबीच आएको आँधीले थुप्रै घरहरुमा क्षति पुर्याएको छ । मिसिसिपी राज्यको राजधानी ज्याक्सनबाट करिब १ सय १२ किलोमिटर पुर्वमा रहेको लुइन शहर आँधीको चपेटामा पर्दा हजारौं प्रभावित भएका हुन् ।
ठाउँ ठाउँमा बिजुलीको पोल र रुख ढल्दा च्यापिएका सवारीसाधनहरुको लेखाजोखा छैन । आँधी प्रभावित हजारौंलाई सुरक्षित स्थानतर्फ सारिएको छ । आँधीले बिजुली आपुर्ती बन्द हुँदा करिब ४ लाख मानिस अध्याँरोमा बस्न बाध्य छन् ।
यसअघि टेक्सस र दक्षिणी अमेरिकामा आएको आँधीले बितण्डता मच्चाएको थियो ।
