Online Bichar
शनिबार, फाल्गुण १२, २०८० | Saturday, February 24, 2024

एजेन्सी, ३  जेठ २०८० । पाकिस्तानको कोहट सहरमा कोइला खानी विवादमा दुई आदिवासी समुदायबीच झडप हुँदा १६ जनाको ज्यान गएको छ ।

कोहटमा रहेको कोइलाखानी विवादले हिंसात्मक रूप लिँदा उनीहरुको ज्यान गएको कोहट प्रहरीले जनाएको हो । अन्तराष्ट्रिय सञ्चार माध्यमका अनुसार खानीको सीमांकनका बारेमा आदिवासी जनजाती समूहबीच झडप भएको बताइएको छ ।

बुलन्दरी पहाडको सीमांकनलाई लिएर सुनिखेल र अखोरवाल जातिबीच लामो समयदेखि विवाद भइरहेको थियो । दुवै पक्षले आफ्नो अडान नछाडेपछि घटना भएको स्थानीय प्रहरीले जनाएको छ ।

झडपबारे जानकारी पाउने बित्तिकै सुरक्षाकर्मी घटनास्थल पुगेर स्थितिलाई नियन्त्रणमा लिइएको बताइएको छ ।

तपाईको प्रतिक्रिया