Online Bichar
शनिबार, आश्विन १३, २०८० | Saturday, September 30, 2023

एजेन्सी, ५ वैशाख २०८० । भारतको बिहारमा विषाक्त मदिरा सेवनबाट मृत्यु हुनेको संख्या ३२ पुगेको छ । बिहारको चम्पारण (मोतिहारी) जिल्लामा भएको घटनामा १४ जनाको अवस्था गम्भीर रहेको हो । घटना लगत्तै विषाक्त मदिरा बेचबिखनको आरोपमा ५ स्टेशन हाउसका अफिसर र विभिन्न प्रहरी थानाका दर्जनौ कर्मचारीलाई निलम्बन गरिएको छ ।

प्रहरीले छापा मार्ने क्रममा हालसम्म १ सय भन्दा बढीलाई पक्राउ गरेको छ । प्रहरीले हजारौं लिटर मदिरा बरामद गरेको छ । यसैबीच बिहारका मुख्यमन्त्री नितिश कुमारले पीडित परिवारलाई क्षतिपूर्ति दिने घोषणा गर्नुभएको छ ।

भारतमा विषाक्त मदिराको सेवनबाट वर्षेनी सयौंको मानिसको मृत्यु हुने गरेको छ ।

 

तपाईको प्रतिक्रिया