Online Bichar
शनिबार, मंसिर ०६, २०८३ | Saturday, November 21, 2026

सिमरा,  ३  साउन  ।  मोतिहारी-अमलेखगञ्ज पेट्रोलियम पाइपलाइनको पहिलो परीक्षण सम्पन्न भएको छ । योजनाको पहिलो परीक्षण शुक्रबार बिहान ६ बजे सम्पन्न भएको हो ।पाइपलाइनको परीक्षण बुधबारबाट सुरु गरिएको थियो । भारतको पटनाबाट सुरुमा पानी पठाएर पानीले सफा गरेपछि मात्र त्यसमा डिजेल पठाएको पाइपलाइन प्राविधिक प्रमुख प्रदीप यादवले जानकारी दिए ।

पटनाबाट पाइपलाइनमा पहिलो परीक्षणको लागि २२ लाख लिटर डिजेल पठाइएको प्राविधिक प्रमुख यादवले जानकारी दिए । पठाइएको मध्ये १ लाख लिटर अमलेखगञ्ज डिपोमा राखिने र बाँकी २१ लाख लिटर पाइपमै रहने उनले बताए ।परीक्षणका लागि भारतबाट २० जना र नेपाल आयल निगमका १० जना प्राविधिक आएका थिए ।

१५ महिनाअघि सुरु भएको पाइपलाइन योजनाको शिलान्यास नेपाल र भारतका प्रधानमन्त्रीले गरेका थिए । पहिलो परीक्षण तोकिएको समयभन्दा ८ महिनाअघि नै सम्पन्न भएको बताइएको छ । पटनाबाट अमलेखगञ्जसम्म रहेको यो पाइपलाइनको कुल लम्बाइ २७८ किमी छ ।अन्नपूर्णपोष्ट

तपाईको प्रतिक्रिया

This site uses Akismet to reduce spam. Learn how your comment data is processed.

0 Comments