काठमाडौँ, १ असार । संघीय संरचना अनुसार देशका सातवटै प्रदेश सरकारले आर्थिक वर्ष ०७६/७७ को बजेट आइतबार सार्वजनिक गर्दैछन् । प्रदेश सरकारहरुले आज आइतबार दोस्रो पटक आफ्नो वार्षिक बजेट सार्वजनिक गर्न लागेका हुन् । त्यसका लागि सातवटै प्रदेश संसद बैठक आज बस्दैछन् ।
केन्द्र सरकारले जेठ १५ मा बजेट घोषणाा गरेपछि प्रदेश सरकारले असार १ मा बजेट सार्वजनिक गर्नुपर्ने संबैधानिक प्रावधान छ ।
यसअघि प्रदेश सरकारहरुले आफ्नो प्राथमिकता निर्धारण गरेर बजेट तयार पारेको जनाइसकेका छन् । उनीहरुले कृषि, पर्यटन, सडक, खानेपानीलगायतलाई बजेटको प्राथमिकता बनाएका छन् ।
सातवटै प्रदेशको कूल बजेट करिब २ खर्ब ५४ अर्बको हुने बताइएको छ ।
कुन प्रदेशको बजेट कति ?
प्रदेश १ – करिव ४२ अर्ब
प्रदेश २– करिब ३५ अर्ब
प्रदेश ३– ४८ देखि ५० अर्ब
गण्डकी प्रदेश–३२ अर्ब
प्रदेश ५– करिब ३४ अर्ब
कर्णाली प्रदेश– ३३ अर्ब
सुदुर पश्चिम प्रदेश–२९ अर्ब