एजेन्सी । पूर्वी अफगानिस्तानको लोगाड प्रान्तमा शुक्रबार आतंकवादीविरुद्ध सरकारी सुरक्षाफौजले गरेको कारबाहीका १८ जना तालिबानी लडाकू मारिएका छन् । मुहम्मद आघा जिल्लास्थित विशेष प्रहरी बलले शुक्रबार बिहानै कारबाही गरेको र त्यसक्रममा विगतमा आतङ्कवादी अपराधमा संलग्न व्यक्तिहरु मारिएको सो प्रान्त सरकारले वक्तव्य जारी गर्दै दाबी गरेको छ ।
सुरक्षाफौजले ती तालीबान लडाकुहरुको साथबाट तीन थान एके–४७ बन्दुक, १७ थान म्याग्जीन तथा ४५० थान बन्दुकका गोली समेतका हातहतियार पनि बरामद गरेको छ । सो प्रान्तमा सक्रिय तालिबान समूहले भने उक्त घटनाका बारेमा केही प्रतिक्रिया जनाएको छैन ।
