काठमाडौं, २१ वैशाख २०८३ । युनाइटेड किंगडम मेरिटाइम ट्रेड अपरेसन केन्द्रले आइतबार इरानको होर्मुज जलमार्गमा दुईवटा मालवाहक जहाजहरूमाथि आक्रमण भएको जानकारी दिएको छ । यो घटना अमेरिकी नौसेनाले रणनीतिक रूपमा महत्त्वपूर्ण यस जलमार्गबाट ढुवानी पुनः सुरु गर्न सोमबारदेखि प्रोजेक्ट फ्रिडम सुरु गर्ने तयारी गरिरहेको समयमा भएको एबीसी न्युजले जनाएको हो ।
इरानको सिरिकबाट ११ समुद्री माइल पश्चिममा पहिलो घटना भएको थियो । उत्तरतर्फ जाँदै गरेको एउटा ‘बल्क क्यारियर’ जहाजले धेरै साना डुंगाहरूबाट आक्रमण भएको रिपोर्ट गरेको छ ।
युनाइटेड किंगडम मेरिटाइम ट्रेड अपरेसन केन्द्रका अनुसार, चालक दलका सबै सदस्य सुरक्षित रहेको र वातावरणमा कुनै नकारात्मक असर नपरेको बताएको छ ।
यसको केही घण्टापछि, संयुक्त अरब इमिरेट्सको फुजैराह बन्दरगाहबाट ७८ समुद्री माइल उत्तरमा अर्को घटना भएको बताइएको छ । एउटा ट्यांकर जहाजले अज्ञात वस्तुबाट प्रहार भएको जानकारी दिएको छ । यो घटनामा पनि चालक दलका सबै सदस्य सुरक्षित रहेको र कुनै वातावरणीय प्रभाव नपरेको युनाइटेड किंगडम मेरिटाइम ट्रेड अपरेसन केन्द्रले जनाएको छ ।
