झापा, ६ भदौ २०८२ । झापाको गौरिगञ्जमा लागुऔषध ब्राउन सुगरसहित एक युवक पक्राउ परेका छन्। पक्राउ पर्नेमा कमल गाउँपालिका–५ निवासी ३१ वर्षीय धनेस सहनी रहेका छन्।
गौरिगञ्ज गाउँपालिका–१ स्थित नेपाल–भारत सीमामा बिहिवार साँझ अन्दाजी ५स्२५ बजे खटिएका सुरक्षाकर्मीले भारतबाट नेपालतर्फ आउँदै गरेको मे ५ प ८००३ नम्बरको मोटरसाइकललाई जाँच गर्ने क्रममा उक्त लागुऔषध बरामद गरेको हो।
प्रहरीले उनको हेल्मेट भित्र प्लास्टिकको पोकामा लुकाएर ल्याउँदै गरेको ६ ग्राम १६ मिलिग्राम ब्राउन सुगर बरामद गरेको हो । मोटरसाइकलसहित उनलाई नियन्त्रणमा लिई ईलाका प्रहरी कार्यालय झिलझिलेमा राखेर थप अनुसन्धान भइरहेको प्रहरीले जनाएको छ।
