दोहा, १६ वैशाख २०८१ । कतारमा कार्यरत केही नेपालीहरू जनता समाजवादी पार्टी निकट नेपाली समाज कतारमा प्रवेश गरेका छन् । जसपा केन्द्रीय सदस्य एवं मधेस प्रदेशका अर्थ मन्त्री सञ्जय यादवको उपस्थितिमा भएको कार्यक्रममा ४३ जना युवा सो संगठनमा प्रवेश गरेको उनको निजी सचिवालयले जनाएको हो।
कतारको सनैयामा शनिबार आयोजित कार्यक्रममार्फत प्रवेश गरेका युवालाई मन्त्री यादवले स्वागत गरेका थिए । कतारमा व्यवसाय गर्दै आएका मोहम्मद तनबिर रेजा, समाजसेवी कलाम खान, चन्द्रवीरु यादव, रामबाबु यादव, मेराजुदिन, शकिल अहमद, शेख आरिफलगायत युवा संगठनमा आबद्ध भएका छन् । समाजका कार्यवाहक अध्यक्ष जयप्रकाश यादवको सभापतित्वमा कार्यक्रम भएको थियो ।
