गौरादह, १ पौष । झापाको गौरादहमा आज सवारी दुर्घटना भएको छ । पाडाजुंगी – गौरादह सडक खण्डको गौरादह– १ बेलडाँगीमा साँझ ६;३० बजे भएको सो दुर्घटनामा स्कुटर चालक घाइते भएका छन् ।
पाडाजुगि बाट गौरादह तर्फ आउदै गरेको मे १ च ५३२९ नं. को छोटा हात्ती र विपरित दिशाबाट जाँदै गरेको मे १० प ६६४३ नं. को स्कुटर एक आपसमा ठक्कर खादा स्कुटर चालक कमल गाउँपालिका– ५ बस्ने बर्ष ३० का निर्मल बस्नेत घाइते भई उपचारको लागि दमक लाइफलाइन अस्पताल लगिएको इलाका प्रहरी कार्यलय गौरादहका इन्चार्ज बिनोद श्रेष्ठले बताए ।
प्रकाशित मिति: आइतबार, पौष ०१, २०७५
प्रकाशित समय: २०:५२:२६