काठमाडौं, १९ कार्तिक २०८० । आईसीसी टी–ट्वेन्टी विश्वकप क्रिकेटको एसिया छनोटको उपाधिका लागि आज नेपालले ओमानको सामना गर्दैछ ।
खेल बिहान ११ बजे टियु क्रिकेट मैदान किर्तीपुरमा हुनेछ । सेमिफाइनलमा यूएईलाई हराउँदै नेपाल तथा बहराईनलाई हराउँदै ओमानले उपाधि भिडन्त पक्का गरेका हुन् ।
फाइनलमा पुगेका दुवै टोली नेपाल र ओमानले अर्को वर्ष अमेरिका र वेष्ट इंडीजमा हुने टि–ट्वेन्टी विश्वकप क्रिकेट खेल्न पाउनेछन् ।
समुह चरणमा नेपाललाई हराउँदै समुह विजेता बनेको ओमान आज पनि सोही लय जारी राख्दै उपाधि जित्न चाहन्छ । तर नेपाल भने उक्त हारको बदला लिंदै प्रतियोगितामा सुखद अन्त्य गर्न चाहन्छ ।
