एजेन्सी, ९ भदौ २०८० । अफ्रिकी मुलुक मेडागास्करको एक स्टेडियममा भागडौड हुँदा कम्तीमा १३ जनाको मृत्यु भएको छ ।
मेडागास्करको बरिया स्टेडियमा आयोजित इण्डियन ओशन आइल्याण्ड गेम्सको उद्घाटन समारोह चलिरहँदा प्रवेश गर्न खोज्नेहरुबीच भागदौड हुँदा १३ जनाको मृत्यु भएको अन्तर्राष्ट्रिय सञ्चारमाध्यहरुले जनाएका छन् ।
करिब ५० हजार दर्शकको उपस्थिति रहेको रंगशालाको प्रवेशद्वारमा भागदौड मच्चिएको थियो । घटनामा परी ८० जना भन्दा बढी दर्शक घाइते भएको स्थानीय प्रहरीले जनाएको छ ।
घाइतेहरुलाई विभिन्न अस्पतालमा भर्ना गरिएको छ । घाइतेमध्ये ११ जनाको अवस्था गम्भीर रहेको बताइएको छ ।
