काठमाडौं, २१ साउन २०८० । दक्षिण अफ्रिकालाई २–० गोलले हराउँदै नेदरल्याणन्ड्स अष्ट्रेलिया र न्युजिल्याण्डमा जारी महिला विश्वकप फुटबलको क्वार्टरफाइनलमा प्रवेश गरेको छ ।
नेदरल्याणन्ड्सलाई क्वार्टरफाइनलमा पुर्याउन जिल रुडले नवौं तथा लिनेश बीरेन्स्टेनले ६८ औं मिनेटमा गोल गरे ।
समूह चरणको अन्तिम खेलमा इटालीलाई पराजित गरेको भएपनि दक्षिण अफ्रिकाले नेदरल्याणन्ड्सविरुद्ध त्यो प्रदर्शन दोहोर्याउन सकेन ।
नेदरल्याणन्ड्सले अव क्वाटरफाइनलमा स्पेनको सामना गर्नेछ । स्वीट्जरल्याण्डलाई ५–१ ले पराजित गर्दै स्पेनले क्वार्टरफाइनलमा स्थान बनाएको छ ।
