एजेन्सी, १६ चैत २०७९ । बिहिबार देशभर रामनवमी पर्व मनाइँदै गरेको अवस्थामा भारतमा रामायणको कथामा बनेको पिल्म ‘आदिपुरुष’ को नयाँ पोस्टर सार्वजनिक भएको छ ।
यस पोस्टरमा प्रभास र कृति सेननसँगै सन्नी सिंह निज्जर र देवदत्त नागे पनि छन् । सामाजिक सञ्जाल प्रयोगकर्ताहरू यो पोस्टरबाट खासै प्रभावित नभएका भारतीय संचार माध्यमले जनाएका छन् । नयाँ पोस्टरको धेरैले ट्रोल गरे । ‘बाहुबली’ स्टार प्रभासको नयाँ फिल्म ‘आदिपुरुष’ लामो समयदेखि चर्चामा छ । उनका प्रशंसकहरू यो फिल्म हेर्न उत्सुक छन् । ।
तर यससँगै आउने हरेक नयाँ अपडेटले सामाजिक संजाल प्रयोगकर्तालाई खुशी पार्न असफल भइरहेका छन् । रामनवमीको अवसरमा फिल्मका निर्माताले नयाँ पोस्टर सार्वजनिक गरे पनि खासै उत्साह देखिएको छैन । पोस्टरमा नायक प्रभासलाई भगवान रामको अवतारमा देखिएको छ उनीसँग सीताको रूपमा कृति सेनन, लक्ष्मणको रूपमा सन्नी सिंह निज्जर र अभिनेता देवदत्त नागे भगवान हनुमानको रूपमा देखिएका छन् । यो पोस्टरमा भगवान राम, लक्ष्मण, सीता र हनुमानको क्लासिक पोस्टर पुन ः बनाइएको छ । जसमा भगवान राम, सीता, लक्ष्मण उभिएका छन् र हनुमान उनीहरूको खुट्टामा बसिरहेका छन् । यो तस्बिर ‘आदिपुरुष’का कलाकारसँग पुन: बनाइएको हो ।
पुनः सिर्जनामा प्रभास, सन्नी र कृति जंगलमा उभिएका छन् भने हनुमानको लुगा लगाएका देवदत्त उनीहरूको खुट्टामा बसिरहेका छन् ।यो दिव्य पोस्टरले धेरै प्रशंसकहरुलाई खुसी बनाएको छ। सबै स्टारको लुक्सलाई निकै रुचाइएको छ । तर त्यहाँ धेरै सामाजिक संजाल प्रयोगकर्ताहरूले यसलाई बेकार भनिरहेका छन्। ‘आदिपुरुष’ को नयाँ पोस्टरमा अलि बढी प्रयास गर्नुपर्ने उनीहरुको भनाइ छ ।कतिपय प्रयोगकर्ताले यो पोस्टर कार्टुन फिल्म जस्तो भएको पनि बताएका छन् । प्रभासले सेयर गरेको पोस्टरमा प्रयोगकर्ताले विभिन्न टिप्पणी गरेका छन् । एकजनाले ’एआईबाट पोस्टर उत्पन्न भयो’ भनेर लेखेका छन् । अर्काले लेखेका छन्, ’भाइले ५ सय करोड खर्चेर कार्टुन सिनेमा बनाएको छ । तेस्रोले लेख्या छन् – ’भाइ राम्रोसँग सम्पादन गर्नुहोस् यार।’ अर्को एक प्रयोगकर्ताले पोस्टरमा सम्पादन गर्ने सबै त्रुटिहरू हाइलाइट गरेका छन् । कतिपय रामाजिक संजाल प्रयोगकर्ताले यसलाई रिलिज नगर्नुहोस् सर भनेका छन् ।
निर्देशक ओम राउतले ‘आदिपुरुष’ बनाएका हुन् । यस फिल्ममा प्रभासले राम, र कृतिले र सीता माताको भूमिका निर्वाह गरेका छन् ।जहाँ सैफ अली खान रावणको भूमिकामा देखिनेछन् । यो फिल्म १६ जुन २०२३ मा रिलिज हुनेछ । खानको राबण अवतारलाई लिएर भारतमा विभिन्न हिन्दु संगठनले विरोध गरेका थिए ।
