Online Bichar
शनिबार, बैशाख ०८, २०८१ | Saturday, April 20, 2024

काठमाडौं, १९ फागुन २०७९ । ग्रीनसिटी हस्पिटलले ३० किलो भन्दा बढी तौल भएको ट्युमरको सफल अप्रेशन गरेको छ ।

अस्पताले गत माघ ५ गते ताप्लेजुङ स्थायी घर भइएकी हाल भक्तपुरमा बस्ने ४९ वर्षीया रिता शेर्पाको ३० किलो भन्दा बढी तौल भएको ट्युमरको सफल अप्रेशन गरेको हो ।

अस्पातलले आर्थिक रुपमा कमजोर रहेकी शेर्पालाई निःशुल्क अप्रेशन गरी नयाँ जीवन दिएको छ । अस्पताले टयुमरको अप्रेशनको लागि पाँच लाख बढी खर्च गरेको र बाहिर अप्रेशन गर्नपरे आठ लाख बढी खर्च लाग्ने बताएको छ ।

अस्पतालले शेर्पा जस्ता जटिल प्रकृतिका रोगको अप्रेशनहरु निःशुल्क रुपमा गर्दै आएको छ । अप्रेशन अघि शेर्पाको पेटमा ३० केजीको भारीले हिँड्न नमिल्ने, खाना बस्न समेत अफ्ठ्यारो रहेकोमा अहिले सफल अप्रेशनपछि सामान्य अवस्थामा आएको जनाएको छ ।

शेर्पाको अप्रेशन गर्ने अस्पतालकी डा। रुपा झाले बिरामीको तत्काल अप्रेशन गर्दा स्वास्थ्यमा अन्य धेरै जटिल समस्या आउन सक्ने सम्भावनालाई ख्याल गरी अन्य विभिन्न चेकजाँच गरी अप्रेशन सफलतापूर्वक गर्न सफल भएको बताउनुभयो । उहाँले अप्रेशन गर्न साधारण अवस्था नभए पनि सफलताका साथ गर्न सफल भएको भन्दै खुशी व्यक्त गर्नुभयो ।

अस्पतालले जटिल प्रकृतिका रोगको निःशुल्क उपचार गर्नको लागि लाखौं रुपैयाँ खर्च गर्ने गरेको पनि बताएको छ ।

 

तपाईको प्रतिक्रिया