अनलाइन बिचार
गौरादह, २५ चैत । लकडाउन भैरहेको समयमा गौरादह नगरपालिका भित्र रहेका गरिब बिपन्न परिवारहरुलाई खाद्यान्न अभाव हुन नदिन यस क्षेत्रका संघसंस्थाहरुले सहयोग गर्नेक्रम बढेको छ ।
गौरादह नगरपालिका भित्र रहेका सहकारी तथा लघुबित्त संस्थाहरुले एकद्दार प्रणलीबाट बिपन्न परिवारको घरआँगनमा राहात पुर्याउन नगरपालिकाको कार्यलयमा सामाग्री हस्तान्तरण गरेका छन् ।
मंगलबार पूर्व नेपाल बहुउद्दशीय सहकारी संस्था, जीवन विकास लधुबित्त संस्था, डाँफे बचत तथा ऋण सहकारी संस्थाले स्वास्थ्य सामाग्री, खाद्यान्न र नगद सहयोग गरेका छन् ।
संस्थाहरुले गौरादह नगरपालिकाके कार्यलयमा पुगेर नगरप्रमुख, उपप्रमुख र नगर प्रवक्ता सहितको उपस्थितिमा सामाग्री तथा नगद हस्तान्तरण गरेका हुन् ।
पूर्वनेपाल बहुउद्देशीयको सम्पर्क कार्यलय गौरादहले पाँचथान पिपिइ, पचास थान ग्लोब र पचास थान मास्क सहकारीका अध्यक्ष प्रम सापकोटाले हस्तान्तरण गरेका हुन् । सामाग्री हस्तान्तरण गर्दै अध्यक्ष सापकोटाले झापा जिल्ला भित्र रहेका गौरादह नगरपालिका सहित दमक, कमल, गौरीगञ्ज, शिवसताक्षी, कन्काई, विर्तामोड, भद्रपूर र इलाका प्रहरी कार्यलय दमक लगाएतलाई ८५ थान पिपिइ, र ग्लोब तथा मास्क बितरण गरिएको बताए ।
त्यसैगरी डाँफे बचत तथा ऋण सहकारी संस्था सम्पर्क कार्यलय गौरादहले नगद आर्थिक सहयोग गरेको छ । आर्थिक सहयोग गर्नेक्रममा गौरादह नगरपालिकालाई दश हजार उपलब्ध गराएको संस्थाका अध्यक्ष तुलाराम न्यौपानेले जानकारी गराए । सोही सन्दर्भमा जीवन विकास संस्था शाखा कार्यलय गौरादहले १ लाख बराबरको खाद्यान्न सामाग्री गौरादह नगरपालिकालाई हस्तान्तरण गरेको छ ।
नगरपालिका भित्र रहेका गरिब तथा बिपन्न ६५ घर परिवारलाई पुग्ने खाद्यान्न बितरण गरेको संस्थाका सेवाकेन्द्र प्रमुख अर्जुन कुमार ठाकुरले जानकारी गराए । ठाकुरका अनुसार प्रति घरपारिवार १० केजी चामल, १ केजी दाल, १ ली तेल, १ केजी नुन र १ थान डिटल साबुन सहितको प्याकेज बनाएर नगरपालिकालाई हस्तान्तरण गरेका हुन् ।
सामाग्री बुझ्दै नगर प्रमुख शाहाले कोरोनाको संक्रमणबाट बच्न जारी लकडाउनको पालना गर्दै गराउदै सहयोमा जुट्न नगरबासीलाई आवहान समेत गरेका छन् ।
