बुटवल, ११ कार्तिक २०८३ । लुम्बिनी प्रदेशमा दसैँको घटस्थापनादेखि कात्तिक ९ गतेसम्म ३४८ वटा सवारी दुर्घटना भएका छन् । दुर्घटनामा ३६ जनाको मृत्यु भएको छ । १३६ जना घाइते भएका छन् ।
राजमार्ग सुरक्षा तथा ट्राफिक प्रहरी कार्यालय लुम्बिनी, बुटवलका सूचना अधिकारी मोहनजंग बुढथापाका अनुसार दुर्घटनामा मृत्यु हुनेमा २८ पुरुष र आठ महिला छन् ।
सबैभन्दा बढी मोटरसाइकल दुर्घटना भएका छन् । बुढथापाका अनुसार उक्त अवधिमा मोटरसाइकलसम्बन्धी ३१६ वटा र जिप तथा कारसम्बन्धी ६६ वटा दुर्घटना भएका छन् ।
दसैँ, तिहारलगायत चाडपर्वमा यात्रुको आवागमन बढ्ने भएकाले दुर्घटनाको जोखिम पनि बढ्ने गरेको सूचना अधिकारी बुढथापाले बताए ।
विशेषगरी ग्रामीण क्षेत्रमा क्षमताभन्दा बढी यात्रु बोक्ने र जाँचका क्रममा यात्रु झारेर पुनः चढाउने प्रवृत्तिले पनि जोखिम बढाएको उनले बताए ।
