झापा, १८ साउन २०८२ । झापामा अविरल वर्षाका कारण भान्सा घर र पर्खाल पूर्ण रुपमा भत्किँदा २० लाखको क्षति भएको छ। आज(आईतबार) दिउँसो अन्दाजी १:४५ बजे मेचीनगर नगरपालिका–६ पिङकीठ्याक बस्ने ज्ञानबहादुर गिरीको जस्ताको छाना भएको एक तले भान्सा घर र पर्खाल भत्किदा २० लाख बराबरको क्षति भएको जिल्ला प्रहरी कार्यालय झापाले जनाएको छ ।
माटो भासिएर भान्सा घर र पर्खाल पूर्ण रूपमा भत्किएको प्रहरीले जनाएको छ।
गिरी सुत्ने कोठा भने सुरक्षित छ। माटो भासिएकाले उनको घर पनि जोखिममा रहेको जनाइएको छ। घटनास्थलमा इलाका प्रहरी कार्यालय काँकडभिट्टा टोली पुगेको थियो।
