नयाँदिल्ली, १७ फागुन २०८१ । भारतको उत्तरी राज्य पन्जाबमा शनिबार घरको छाना खस्दा एक परिवारका पाँच सदस्य ९एक दम्पती र तिनका तीन छोराछोरी०को मृत्यु भएको छ ।
प्रहरीले जनाएअनुसार पन्जाबको सहर अमृतसरबाट २८ किलोमिटर दक्षिणमा रहेको तरनतारन जिल्लाको पाण्डोरी गोला गाउँमा स्थानीय समयअनुसार बिहान ४ः३० बजे एउटा पुरानो घरको छाना खसेको थियो । परिवारका सदस्य सुतिरहेका बेला माथिको छत खसेको थियो ।
“घटनालगत्तै स्थानीयले उद्धार कार्य गरे र उनीहरू सबैलाई भग्नावशेषबाट निकाले । उनीहरूलाई अस्पताल लगिए पनि डाक्टरहरूले उनीहरूलाई मृत घोषणा गरे,” एक प्रहरी अधिकारीले बताए ।
घर जीर्ण अवस्थामा रहेको प्रहरीले जनाएको छ । यसैबीच, प्रहरीले घटनामा मुद्दा दर्ता गरी अनुसन्धान गर्न आदेश दिएको छ । राससरसिन्ह्वा
