झापा, २५ साउन २०८१ । बिर्तामोड नगरपालिका– ३ स्थित मेची आँखा अस्पताल अगाडि पार्किङ गरिराखेको मोटरसाइकल चोर्दाचोर्दै एक व्यक्ति पक्राउ परेका छन् ।
बिहीबार मेची आँखा अस्पताल अगाडि पार्किङ गरिराखेको प्रदेश १ –०१ –०१४ प २२० नम्बरको मोटरसाइकल चोर्दै गर्दा इलाम पशुपतिनगर कोल्बुङ बस्ने २५ वर्षीय दिलबहादुर राईलाई प्रहरीले पक्राउ गरेको हो ।
बिर्ताबजार प्रहरी चौकीका इन्चार्ज पदम बिस्टको टोलीले पक्राउ गरी कारबाहीका लागि इलाका प्रहरी कार्यालय बिर्तामोडमा बुझाएको बिर्ताबजार प्रहरी चौकीका व्यवस्थापन समिति अध्यक्ष विरन कोइरालाले जनाएका छन् ।
