Online Bichar
बिहिबार, जेठ १०, २०८१ | Thursday, May 23, 2024

काठमाडौं, २४ भदौ २०८० । फिफा विश्वकप २०२६ को दक्षिण अमेरिकी छनोटमा ब्राजिलले विजयी सुरुआत गरेको छ ।

दक्षिण अमेरिकी छनोट अन्तर्गत शनिबार बिहान सम्पन्न खेलमा ब्राजिलले बोलिभियालाई पराजित गरेको हो ।

ब्राजिलले बोलिभियालाई ५–१ गोल अन्तरले पराजित गरेको हो । ब्राजिलको जितमा रोड्रिगो र नेयमारले समान २ र राफिन्हाले १ गोल गरे । राड्रिगोले २४ औं र ५३ औं तथा नेयमारले ६१ औं र दोस्रो हाफको ईन्जुरी समयमा गोल गरे ।

राफिन्हाले ४७ औं मिनेटमा गोल गरे । बोलिभियाका लागि भिक्टोरले ७८ औं मिनेटमा सान्त्वना गोल फर्काए । पहिलो खेल खेलिरहेको ब्राजिल ३ अंकका साथ शीर्ष स्थानमा छ । शनिबार नै भएको अर्को खेलमा उरुग्वेले चिलीलाई ३–१ गोल अन्तरले पराजित गरेको छ ।

दक्षिण अमेरिकी छनोटमा दश राष्ट्रको सहभागीता रहेको छ ।

 

तपाईको प्रतिक्रिया