भद्रपुर, ६ माघ २०७८ । कार्यालयका कर्मचारीलाई कोरोना संक्रमण भएपछि भूमिसुधार तथा मालपोत कार्यालय भद्रपुरले एक साताका लागि सेवा बन्द गरेको छ ।
कार्यालयका निमित्त प्रमुख दिपेन्द्र खत्रीले एक सूचना जारी गरी माघ १२ गतेसम्मका लागि सेवा प्रवाह स्थगन गरिएको जनाएका हुन् ।
सेवाग्राही, कर्मचारी, लेखापढी व्यवसायी र अन्य सरोकारवालाको स्वास्थ्य सुरक्षा र रोग संक्रमणको जोखिम न्यूनीकरणका लागि कार्यालय बन्द गर्नुपरेको सूचनामा जनाइएको छ ।
मालपोत कार्यालयका दुईजना कर्मचारी संक्रमित भएका छन् भने प्रायः सबै कर्मचारीलाई कोरोनासंग मिल्दोजुल्दो लक्षण देखिएको निमित्त कार्यालय प्रमुख खत्रीले बताए ।