भक्तपुर, १६ साउन । भक्तपुरमा एक १२ वर्षीय बालकले आत्महत्या गरेका छन् । आत्महत्या गर्नेमा सूर्यविनायक नगरपालिका ७ गुण्डु बस्ने राजु खतिवडाका १२ वर्षीय छोरा सन्देश खतिवडा रहेको प्रहरीले जनाएको छ ।
सन्देशले बुधबार साँझ आफ्नै घरको दोस्रो तलामा रहेको काठको दलिनमा स्कुल ड्रेसको टाईको पासो लगाएर आत्महत्या गरेका छन् । दलिनमा झुण्डिरहेको अवस्थामा भेटेपछि बुबा राजुले पासो फुकाई उनलाई मध्यपुर अस्पताल पुर्याएका थिए ।
बालकलाई बेलुकी ६ बजे मृत घोषित गरिएको थियो ।
यस विषयमा थप अनुसन्धान चलिरहेको प्रहरीले जनएको छ ।
