सुनसरी, १५ साउन । सुनसरी नापी कार्यालयका दुई कर्मचारी घुस रकम सहित पक्राउ परेका छन् । सर्वेक्षक मागैन महतो र लेखापाल रामनारायण कोदारलाई नगद ११ हजार रुपैँया घुससहित अख्तियार दुरुपयोग अनुसन्धान आयोग इटहरीले पक्राउ गरेको हो ।
नक्सा पास गरिदिने भन्दै सेवाग्राहीसँग घुस मागेको सूचनाको आधारमा उनीहरु पक्राउ परेका छन् । यस विषयमा थप अनुसन्धान भइरहेको अख्तियार टोलीले जनाएको छ ।
