फिदिम, २३ जेठ । पाँचथर सदरमुकाम फिदिम बजारको मेन लाइनको होटलबाट सुरु भएको आगो नियन्त्रणमा आएको छ। नेपाली सेना, नेपाल प्रहरी, सशस्त्र र स्थानीयको सक्रियतामा आगो नियन्त्रणमा आएको हो।
फिदिम बजारको मेन लाइनमा रहेको पाथिभरा मिष्ठान्न भण्डारबाट आगलागी सुरु भएको हो। मिष्ठान्न भण्डारबाट सल्किएको आगोले सीता होटल र पाँचथर गेष्ठहाउस समेत जलेका छन्।
पाँचथर गेष्ठहाउससँगै रहेको एउटा कपडा पसलमा समेत आगलागीबाट पूर्ण क्षति पुगेको छ। एनएबी बैंकको फिदिम शाखा रहेको घरको झ्यालमा समेत आगोले क्षति पुर्याएको छ।अन्नपूर्णपोष्ट
