झापा, १२ पुस २०८२ । बाटोमा लडेर एकजनाको मृत्यु भएको छ । हिजो दिउँसो अन्दाजी ४ बजे झापाको कमल-५ अम्बिका चोकदेखि किराँतेश्वर मन्दिर जाने भित्री कच्ची सडकखण्डमा सोही ठाउँ बस्ने ५२ वर्षीय पर्शुराम रिजाल आफ्नो घरदेखि अन्दाजी ५ सय मिटर पूर्वतर्फ सो सडकको छेउमा लडेर मृत अवस्थामा फेला परेका हुन् ।
इलाका प्रहरी कार्यालय दमकबाट टोली खटिएर सम्पूर्ण कानुनी प्रकृया पुरा गरी शव पोष्टमार्टमको लागि दमक अस्पताल दमक पठाएको छ । मृतक रिजाल अत्यधिक मादक पदार्थ सेवन गरी हिडडुल गर्ने गरेको बुझिएको छ ।
