काठमाडौं, २९ जेठ २०७८ । नेपालको शिक्षा क्षेत्र सुधारका लागि विश्व बैंकले ७ अर्ब बढी रकम सहयोग गर्ने भएको छ ।
बैंकले नेपालको उच्च शिक्षा सुधारका लागि ६ करोड अमेरिकी डलर सहयोगको प्रस्ताव पारित गरेको हो । उच्च शिक्षाको गुणस्तर सुधार र विस्तारका लागि उक्त सहयोग रकम पारित गरेको हो ।
नेपालको शिक्षा क्षेत्र समयअनुसार सुधार गरी श्रम बजारका लागि आवश्यक दक्ष जनशक्ति तयार गर्न सहयोग गरिएको बैंकले जनाएको छ ।
यसबाट नेपालमा कोभिडपछिको आर्थिक पुनरउत्थानमा सघाउ पुग्ने बैंकको अपेक्षा छ ।
