दमक, २१ वैशाख २०८२ । झापाको दमकमा रहेको ढावा होटलमा एक युवती मृत फेला परेकी छन् । आज (आईतबार) बिहान ११ बजे दमक नगरपालिका६ मा रहेको ढावा होटलमा शिवसताक्षी नगरपालिका ११ दुधे बस्ने २४ वर्षीया करिस्मा निरौलाले झुन्डिएर आत्महत्या गरेकी हुन् ।
करिस्मा होटलमा आई कोठा न। १७ मा बसेकी थिइन् ।आज बिहान १० बजेसम्म होटल संचालक युवराज दंगालले बोलाउँदा नबोलेपछि र ढोका समेत नखोलेपछि इलाका प्रहरी कार्यालय दमकमा जानकारी गराएका थिए । इलाका प्रहरी कार्यालय दमकबाट प्रहरी टोली खटिएर स्थानीय जनप्रतिनिधि तथा आफन्त समेतको रोहबरमा ढोका फोरी हेर्दा उनले कोठाको सिलिङ फेनमा सलको पासो घाँटीमा लगाई झुन्डिएर आत्महत्या गरेको फेला परेको थियो ।
उनले आत्महत्या गर्नुपर्ने कारण खुलिसकेको छैन । कानुनी प्रकृया पूरा गरी शव पोष्टमार्टमको लागि दमक अस्पताल पठाएको प्रहरीले जनाएको छ ।ती महिला विवाहित भएपनि यसअघि नै सम्बन्ध विच्छेद गरिसकेकी बताइएको छ । उनी हालै बैदेशिक रोजगारबाट घर फर्किएकी थिइन् ।
