गौरीगञ्ज, ५ चैत २०८१ । गौरीगञ्ज बहुमुखी क्याम्पसमा भएको स्वतन्त्र विद्यार्थी यूनियन९स्ववियू ० को निर्वाचनमा नेविसंघ र अनेरास्ववियूको संयुक्त गठबन्धन विजयी भएको छ ।
अन्तिम मत परिणाम अनुसार गठबन्धनका तर्फबाट सभापति पदमा उम्मेद्वारी दिएका रोशन यादव ४६ मतसहित निर्वाचित भएका हुन् । उनका प्रतिष्पर्धीहरु अखिल क्रान्तिकारीकी मोहिनीकुमारी राजवंशी २२ र स्वतन्त्र उम्मेद्वार लालदेव यादवले २९ मत ल्याएका छन् ।
त्यस्तै सचिव पदमा पनि गठबन्धनकै डिल्लीराम पौडेल ४२ मतसहित बिजयी भएका छन् । उनका प्रतिष्पर्धीहरु अखिल क्रान्तिकारीका रोहितकुमार ठाकुरले २२ र स्वतन्त्र उम्मेद्वार अभिशेक राजवंशीले २४ मत प्राप्त गरेका छन् ।
त्यसैगरी कोषाध्यक्ष पदमा पनि गठबन्धनकै मुजेफर मियाले जित हासिल गरेका छन् । उनले ३९ मत ल्याएका छन् । अन्य उम्मेद्वारहरु अखिल क्रान्तिकारीकी लिजा गिरीले ३३ र स्वतन्त्र नितुकुमारी यादवले २४ मत प्राप्त गरेका छन् । गौरीगञ्ज बहुमुखी क्याम्पसमा सयजना मतदाता रहेकोमा ९७ मत खसेको थियो ।
