झापा, २९ माघ २०८० । झापाको बिर्तामोडमा एक युवकको शव फेला परेको छ । बिर्तामोड नगरपालिका-१० स्थित पश्चिम बिराटपोखरको पुरानो निर्माणाधीन घर नजिकै टहराभित्र आज बिहान युवकको शव फेला परेको हो ।
स्थानीयले शव देखेपछि प्रहरीलाई खबर गरेका थिए । मृतक सिरिजङ्गा ताप्लेजुङका ३० वर्षीय सञ्जय माबो रहेको बुझिएको छ । घटनाबारे प्रहरीले अनुसन्धान सुरु गरिसकेको इलाका प्रहरी कार्यालय अनारमनीका डिएसपी सुरज कार्कीले जानकारी दिए ।
