Online Bichar
सोमबार, आषाढ ११, २०८१ | Monday, June 24, 2024

झापा, २८ साउन २०८० । झापाको दमकबाट प्रतिबन्धित लागुऔषध र नगद सहित २ जना मानिसलाई प्रहरीले पक्राउ गरेको छ । दमक नगरपालिका वडा नं. २ भाङबारीका २३ वर्षिय पुजन दुलाल र दमक वडा नं.७ क्षितिज टोलका २१ वर्षिय सचिन मगरलाई प्रहरीले पक्राउ गरेको जिल्ला प्रहरी कार्यालय झापाका प्रवक्ता तथा प्रहरी नायब उपरीक्षक खगेन्द्र प्रसाद रिजालले जानकारी दिनुभयो ।

Online Bichar विकास, समृद्धी र सुशासनको पहरेदार

पक्राउ परेका घरधनी दुलालको कोठामा प्रतिबन्धित लागू औषध ब्राउन सुगर बिक्री वितरण भइरहेको विशेष सूचनाको आधारमा इलाका प्रहरी कार्यालय दमकबाट खटिएको प्रहरी टोलीले शनिबार राति ९ः३० बजेको समयमा दुलाल र मगरको शरीर तथा कोठा तलासी गर्दा उनीहरू बसेको कोठाबाट ४ ग्राम ३०० मिलिग्राम ब्राउन सुगर, डिजिटल तराजु १ थान, मोबाइल ३ थान र नगद १ लाख २३ हजार ९ सय फेला पारेको थियो । पक्राउ परेका दुवै जनालाई इलाका प्रहरी कार्यालय दमकमा राखी थप अनुसन्धान कार्य भइरहेको प्रवक्ता रिजालले बताउनुभयो ।

 

तपाईको प्रतिक्रिया