गौरादह, १६ पौष २०७९ । गौरादह नगरपालिकाले सबै वडाहरुको समेत जमिन वर्गीकरण कार्य सम्पन्न गरेको छ ।
नगरपालिकाले स्थानीय भू-उपयोग परिषदबाट भू-उपयोग नियमावली २०७९ बमोजिमको कामकारवाही गर्न गराउँन आवस्यक समन्वय, सहयोग र सहजिकरण र कार्यन्वयनका लागि भू-उपयोग क्षेत्र वर्गीकरणको विवरण मालपोत कर्यलय दमक र नापी कार्यलय दमक झापामा मंसिर २१ गते नै बुझाइसकेको तथा कार्यन्वयनको लागि पठाएको हो।
गौरादहका सबै वडाको जमिनको वर्गीकरण गर्दा व्यवसायीक शहरी क्षेत्र र आवास क्षेत्र किटान गरेर निर्धारण गरिएको छ । अन्य क्षेत्रलाई कृषि, औधोगिक, खानी तथा खनिज, बनजंगल, सार्वजनिक उपयोग, सांस्कृतिक तथा पूरातात्वीक महत्व, अन्य क्षेत्रहरुमा वर्गीकरण गरी भू-उपयोग योजनालाई अन्तिमरुप दिने निर्णय भएको उल्लेख गरिएको छ । सूचनामा नगरपालिकाका सबै वडाहरुको जग्गा वर्गीकरणको विवरणहरु अलग अलग उल्लेख गरिएको छ ।
गौरादह ९ बैगुनधुराका जग्गाको वर्गीकरण यस्तो छ :
वडा नं. ९
- व्यावसायिक (शहरी)क्षेत्रः-
- बैगुनधुरा बजार वरीपरी ८०० मिटर बजार क्षेत्र ।
आवास क्षेत्रः-
- जुरोपानी – महाभारा सडकको दायाँबायाँ २०० मिटर आवास क्षेत्र ।
- गौरादह–कोरोवारी सडको दायाँ बायाँ २०० मिटर आवास क्षेत्र ।
- झमक चोक आसपास ३००मीटर सम्म आवास क्षेत्र ।
- बैगुनधुरा रिङ्ग रोडको दायाँ वायाँ १५० मीटर आवास क्षेत्र
- ढकाल चोक हुदै ठाकुरमारी – तोपगाछी सडकको दायाँबायाँ २०० मिटर आवास क्षेत्र ।
- मिलन चोकबाट दुधे जाने सडकको दायाँ बायाँ २०० मिटर आवास क्षेत्र ।
- हुलाकी सडक दायाँवायाँ २०० मिटर आवास क्षेत्र ।
- मिलन चोक उत्तर निलकण्ठको घर जोड्ने सडक दाँयावाँया १०० मिटर आवास क्षेत्र ।
- अमर विष्ट कामत र शेर बहादुर थापाको घर जोडने सडक दाँयावाँया १०० मिटर आवास क्षेत्र।
- अन्य सडकको हकमा दायाँ बायाँ १०० मिटर आवास क्षेत्र ।
अन्य क्षेत्रहरु लाई कृषि, औद्योगिक, खानी तथा खनिज, वनजङ्गल, सार्वजनिक उपयोग, सांस्कृतिक तथा पुरातात्विक महत्व, अन्य क्षेत्रहरुमा वर्गीकरण गरी भू–उपयोग योजनालाई अन्तिमरुप दिने निर्णय भएको नगरपालिका स्रोतले बताएको छ।
