गौरादह, १६ पौष २०७९ । गौरादह नगरपालिकाले सबै वडाहरुको समेत जमिन वर्गीकरण कार्य सम्पन्न गरेको छ ।
नगरपालिकाले स्थानीय भू-उपयोग परिषदबाट भू-उपयोग नियमावली २०७९ बमोजिमको कामकारवाही गर्न गराउँन आवस्यक समन्वय, सहयोग र सहजिकरण र कार्यन्वयनका लागि भू-उपयोग क्षेत्र वर्गीकरणको विवरण मालपोत कर्यलय दमक र नापी कार्यलय दमक झापामा मंसिर २१ गते नै बुझाइसकेको तथा कार्यन्वयनको लागि पठाएको हो।
गौरादहका सबै वडाको जमिनको वर्गीकरण गर्दा व्यवसायीक शहरी क्षेत्र र आवास क्षेत्र किटान गरेर निर्धारण गरिएको छ । अन्य क्षेत्रलाई कृषि, औधोगिक, खानी तथा खनिज, बनजंगल, सार्वजनिक उपयोग, सांस्कृतिक तथा पूरातात्वीक महत्व, अन्य क्षेत्रहरुमा वर्गीकरण गरी भू-उपयोग योजनालाई अन्तिमरुप दिने निर्णय भएको उल्लेख गरिएको छ । सूचनामा नगरपालिकाका सबै वडाहरुको जग्गा वर्गीकरणको विवरणहरु अलग अलग उल्लेख गरिएको छ ।
गौरादह ७ का जग्गाको वर्गीकरण यस्तो छ :
वडा नं. ७
व्यावसायिक (शहरी) क्षेत्र
- ग्वालडुवा चोकको वरिपरि पूर्व पश्चिम उत्तर दक्षिण ८०० मीटरको क्षेत्र ( बजार क्षेत्र) दुधाली बजार औद्योगिक ग्राम पार्क क्षेत्रमा उद्योगलाई असर नपर्ने गरी ३०० बजार विस्तार गर्नुपर्ने ।
- फकिरढिप बजारको वरिपरिको ३०० मिटर बजार क्षेत्र ।
आवास क्षेत्र
- त्रिवेणी टोल (कोहवरा, महाभारा) सडकको दायाँ वायाँ २०० मिटर आवास क्षेत्र ।
- गौरीगञ्ज – पाडाजुँगी सडकको दायाँ वायाँ बजार क्षेत्र बाहेक ४०० मिटर आवास क्षेत्र ।
- वडा नं. ४ डोरामारी – ईन्दीरा चोकहुदै वडा नं. ६ को सिमाना सम्मका बस्ती को दायाँ वायाँ १०० मिटर आवास क्षेत्र ।
- गौरादहबाट ठकठके हुदै सूर्योदय – हुलाकी राजमार्गमा जोडिने सडक दायाँवायाँ २०० मिटर आवास क्षेत्र।
- अन्य सडको हकमा १०० मिटर आवास क्षेत्र ।
अन्य क्षेत्रहरु लाई कृषि, औद्योगिक, खानी तथा खनिज, वनजङ्गल, सार्वजनिक उपयोग, सांस्कृतिक तथा पुरातात्विक महत्व, अन्य क्षेत्रहरुमा वर्गीकरण गरी भू–उपयोग योजनालाई अन्तिमरुप दिने निर्णय भएको नगरपालिका स्रोतले बताएको छ।