काठमाडौं, ३ असोज २०७८ । हास्य कलाकार रमेश केसी ‘मट्टारे’को निधन भएको छ । एउटा भिडिओको सुटिङमा अभिनय गर्न मेकअप गरिरहेकै अवस्थामा आइतबार बिहान उनको निधन भएको हो ।
६९ वर्षको उमेरमा निधन भएका उनको पार्थिव शरिर आइतबार दिउँसो अन्तिम श्रद्धाञ्जलीका लागि आर्यघाटमा राखिएको थियो ।
२००९ सालमा ललितपुरको इमाडोलमा जन्मिएका केसी लामो समयदेखि कलाकारितामा संलग्न थिए ।
केसीका श्रीमती, दुई छोरा, तीन छोरी छन् ।
