बालुबथानका राजु निरौला बचाउन ३ लाख ६६ हजार सहयोग हस्तान्तरण

झापा, १७ असोज । राजु निरौला बालुबथान बचाउ अभियान अन्तर्गत संकलित रकम उनको घर पुगेर परिवारलाई हस्तान्तरण गरिएको छ । झापाको गौरादह नगरपालिका वडा नं.– ५ बलुबथान निवासी राजु निरौलाको उपचारका लागि एक कार्यक्रमको आयोजना गरि संकलित ३ लाख ६६ हजार ८ सय ६९ रुपैयाँ रकम परिवारलाई हस्तान्तरण गरिएको हो ।

स्थानीय युवा तथा समाजसेवी निराजन केसी र अमृतबहादुर कार्कीले अगुवाई गरेको राजु निरौला बालुबथान बचाउ अभियानमा बालुबथान घर भई हाल रोजगारीका क्रममा कोरिया रहेका मनोज अधिकारी, चिरञ्जीवि रिजाल, ज्ञानेन्द्र चेम्जुङ, निकेश शेर्मा तथा गंगाबहादुर अधिकारी समेत अभियानको अभियान्ता रहेका छन् ।

अभियान अन्तर्गत देश तथा बिदेश बाट जम्मा भएको उक्त रकम आज शनिवार स्थानीय समाजसेवी, राजनीतिकर्मी, जनप्रतिनिधि, पत्रकार तथा बुद्धिजिवीहरुको उपस्थितिमा राजु निरौला तथा उनको परिवारलाई हस्तान्तरण गरिएको उक्त अभियानका निराजन केसीले जानकारी दिए । कार्यक्रममा समाजसेवी तथा राजनीतिकर्मी मदन अधिकारी, पुष्पलाल ढकाल, हुकुम नेपाली, डण्डिराज घिमिरे, भाधव भट्टराई, गोमा चेम्जुङ, अमृतबहादुर कार्की, भगवान बस्नेत, रामचन्द्र बाँस्तोला, डम्मर लामिछाने लगाएतको उपस्थिति रहेको थियो ।

राजु निरौला बचाउ अभियानका अभियान्ताहरुले विशेष गरी यो अभियान सामाजिक सञ्जालबाट सञ्चालन गरेका थिए । सो अभियानलाई सघाउदै कोरिया, अष्ट्रेलिया, युके, मलेसिया, इजराएल, साउदी, कतार, दुबई, बहराइन, कुवेत लगायतका देश तथा नेपालबाट समेत गरि हाल सम्म उक्त रकम संकलन गर्न सफल भएको अभियान्ता केसीले बताएका छन् । उनका अनुसार अभियान्ताहरुले यो भन्दा अगाडि पनि मानवीय सेवाका क्रममा सहयोगी मनहरुलाई एकिकृत गर्दै यस प्रकारका घटनाहरुमा सहयोगहरु जुटाउँदै आएका छन् ।

गत असार ९ गते मोटरसाइकलबाट गम्भिर दुर्घटनामा परेका निरौको कमजोर आर्थिक अवस्थाको कारण उपचार समेत हुन सकेको छैन । दुर्घटनाको कारण कम्मरदेखि मुनिको भाग र दुबै खुट्टा नचले पछि उनी असार देखि नै ओछ्यान परेका छन् ।

राजु निरौला बालुबथान बचाउ अभियान बालुबथानलाई सहयोग गर्नु हुने  सहयोगी  दाताहरूक़ो नामावली यस प्रकार छ-